KHUTBAH JUM’AT BAHASA JAWA : MUSIBAH MINANGKA PEPENGETIPUN ALLAH SWT

-
KHUTBAH JUM’AT BAHASA JAWA
MUSIBAH MINANGKA PEPENGETIPUN ALLAH SWT
Oleh : ANIS PURWANTO

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَسْتَهْدِيْهِ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَهُوَ الْمُهْتَدُ وَمَنْ يُضْلِلْ فَلَنْ تَجِدَ لَهُ وَلِيًا مُرْشِدًا. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ. اَللَّهُمَّ صَلِّ وَسَلِّمْ وَبَارِكْ عَلَي حَبِيْبِنَا وَشَفِيْعِنَا وَمَوْلَنَا مُحَمَّدٍ وَعَلَى آلِهِ وَأصَحابهِ اْلأَخْيَارِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.
قَالَ تَعَالَي عَزَّ مِنْ قَائِلٍ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. أَمَّا بَعْدُ.
Ma’asyiral Muslimin jamaah jum’ah rokhimakumullah.
Langkung rumiyin, sumangga kita sami nyaosaken puja puji syukur ing ngarsa dalem Allah SWT, ingkang sampun paring nikmat, rahmat sarta hidayah dhumateng kita sedaya. Sahingga kanthi ijin Allah SWT, kita saget nindakaken ibadah dhumateng Allah SWT. Kita nyuwun dhumaateng Allah SWT mugi-mugi ibadah kita ing siyang punika saget katampi dening Allah SWT, amin ya rabbal ‘alamin.
            Shalawat saha salam mugia katur dhumateng Gusti Rasul, Nabi Agung Muhammad SAW, ingkang sampun mbimbing dhumateng sedaya kaum muslimin, tumuju margi ingkang utami. Mugi-mugi kita sedaya pikantuk syafaatipun mbenjang wanten ing yaumul kiyamah, bekja fiddun ya wal akhirah, amin ya rabbal ‘alamin.
Ma’asyiral Muslimin jamaah jum’ah rokhimakumullah

            Sekedar ngengetaken dhumateng kita sedaya bilih ing wekdal sak punika sebagian masyarakat kita nembe nampi musibah dalah ujianipun Allah SWT , wanten ingkang awujud banjir ugi tanah longsor. Ingkang saestu mbekta kapitunan ingkang mboten sekedik, kerugian   material  ugi jiwa. Pramila saking punika sekedar kagem ngengetaken dhumateng kita sedaya,  mboten wonten awonipun manawi ing kesempatan khutbah Jum’at siang punika kita aturaken bab dhatengipun musibah –musibah punika, saboten-botenipun saged dados peringatan tumraping kita sedaya.
            Kasebad ing Surat Al-Hadid ayat 22 lan 23 :
مَآ أَصَابَ مِن مُّصِيبَةٍ۬ فِى ٱلۡأَرۡضِ وَلَا فِىٓ أَنفُسِكُمۡ إِلَّا فِى ڪِتَـٰبٍ۬ مِّن قَبۡلِ أَن نَّبۡرَأَهَآ‌ۚ إِنَّ ذَٲلِكَ عَلَى ٱللَّهِ يَسِيرٌ۬ (٢٢) لِّكَيۡلَا تَأۡسَوۡاْ عَلَىٰ مَا فَاتَكُمۡ وَلَا تَفۡرَحُواْ بِمَآ ءَاتَٮٰڪُمۡ‌ۗ وَٱللَّهُ لَا يُحِبُّ كُلَّ مُخۡتَالٍ۬ فَخُورٍ
“Ora ana musibah kang dumadi ana ing lumahing bumi lan uga kang ngenani ing awak-awakira, kejaba kabeh iku mau pancen wis tinulis ing buku gedhe (lauhil ahfudh), wiwit sakdurunge ingsun mujudake dadi kasunyatan. Satemene kang mangkono iku menggahe Allah gampang banget. (Sung jelasake, kang mangkono iku) supaya sira kabeh aja pada ngluwihi wates anggonira nguja kesenengan kanthi sakabehing barang kang diparingake dening Allah marang sira. Awit Allah iku pancen ora seneng marang saben wong kang sombong lan gumedhe ”.

Para sederek, ayat punika jelas lan tegas ngengetaken kita sedaya, kanthi peringatan ingkang keras. Peringatan kanthi keras lan tegas punika kanthi maksud supadas kita para manungsa sampun ngantos tledor, sampun ngantos nggampilaken lan malah nyepelekaken peringatan Allah punika. Awit peringatan Allah SWT punika wanten sebagian ingkang awujud musibah ingkang dahsyat sanget sanget ingkang boten badhe wonten kekiyatanipun manungso kados punapa kemawon ingkang saged nanggulangi, yen boten angsal idzin saha pitulunganipun Allah SWT.
Pancen yen kita piker lan kita gatosaken, wonten saat punika, sampun cekap kathah tingkah lakunipun manungsa ingkang sampun nglangkungi wates. Kebrutalanipun manungsaa, ingkang saajak sampun mboten nggatosaken malih dhateng rambu-rambu moral punapa malih agami. Kanthi mawarni-warni cara, ingkang penting tujuanipun saged kasembadan.
Pokokipun , para sederek, sedaya kerisakan ingkang dumados wonten ing sawarnining bidhang pagesanganipun manungsa punika sampun merajalela, sahengga sampun pas kados dhawuh Allah SWT ingkang kahemot ing Surat Ar Rum ayat 41 , ingkang nyebadaken makaten :
ظَهَرَ ٱلۡفَسَادُ فِى ٱلۡبَرِّ وَٱلۡبَحۡرِ بِمَا كَسَبَتۡ أَيۡدِى ٱلنَّاسِ لِيُذِيقَهُم بَعۡضَ ٱلَّذِى عَمِلُواْ لَعَلَّهُمۡ يَرۡجِعُونَ
“Kerusakan iku wis katon merajalela ana ing lumahing dharatan lan segara akibat saka tumindake tangan-tangane manungsa, supaya Allah ngrasakake marang dheweke sebagian saka akibat tumindake wong-wong mau dhewe, kang supaya dheweke mau padha bali marang dalan kang bener ”.
Para sederek, Potongan ayat “LIYUDZIIQAHUM BA’DLALLADZII ‘AMILUU”, nelakaken bilih yen Allah SWT ngersakaken, saged kemawon panjenenganipun lajeng nurunaaken musibah wiwit ingkang alit ngantos ingkang ageng, waradin sak nagari. Kamangka musibah prengetanipun Allah punika asring mboten pandang bulu, liripun senadyan tiyang ingkang mboten dosa pisan saged kemawon ketaman musibah.
Makaten ingkang kasebat wonten ing Al-Qur’an Surat Al-Anfal ayat 25 :

وَٱتَّقُواْ فِتۡنَةً۬ لَّا تُصِيبَنَّ ٱلَّذِينَ ظَلَمُواْ مِنكُمۡ خَآصَّةً۬‌ۖ وَٱعۡلَمُوٓاْ أَنَّ ٱللَّهَ شَدِيدُ ٱلۡعِقَابِ
“Lan sira kabeh padha wedia marang siksane Allah sing temenan ora mung khusus ngenani wong-wong sing dhalim ing antarane sira kabeh bae. Lan sira kabeh padha sumurupa satemene pasiksane Allah iku abot banget ”.

Ma’asyiral Muslimin jamaah jum’ah rokhimakumullah
            Kulo kinten saking keterangan ayat  ing nginggil kita sampun cekap minangka bukti bilih peringatan Allah ingkang awujud musibah punika sawekdal-wekdal saged dhateng kita sedaya. Ingkang makaten punika ngengetaken dhumateng kita sedaya supados sami wangsul dhateng margi ingkang leres. Lan babar pisan sampun ngantas kita lajeng supe dhumateng Allah SWT. Awit sawarnining kerisakan punika yen dipun titi, sumber penyebabipun ingkang pokok punika namung setunggal, inggih punika amargi manungsa sampun supe dhateng Pangeranipun .
Kados kasebad ing Al-Qur’an Surat Al Hasyr ayat 19 :
وَلَا تَكُونُواْ كَٱلَّذِينَ نَسُواْ ٱللَّهَ فَأَنسَٮٰهُمۡ أَنفُسَہُمۡ‌ۚ أُوْلَـٰٓٮِٕكَ هُمُ ٱلۡفَـٰسِقُونَ
“Lan sira kabeh aja kaya wong-wong kang lali marang Allah. Sahingga Allah banjur gawe lali marang wong-wong mau, lali marang awake dhewe. Dheweke yaiku wong-wong fasik ”.
            Tiyang ingkang dipun damel supe dening Allah sahingga supe dhateng badanipun piyambak, punika ateges pasiksanipun Allah ingkang ageng sanget. Awit supe yen piyambakipun punika manungsa , mahkluk kawulanipun Allah, mila sedaya polah-tingkahipun lajeng sampun medal saking wates-watesipun kamanungsan. Mugi-mugi kita sedaya katebihaken saking sedaya musibah, ingkang penyebabipun tangan-tang kita piyambak, bekja wilujeng ing ndonya khatal akhirat. Amin ya rabbal ‘alamin.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.


.


Komentar

Posting Komentar

Postingan populer dari blog ini

KHUTBAH IDUL ADHA BAHASA JAWA 1445 H / 2024 M

-
Gambar
    KHUTBAH IDUL ADHA   BAHASA JAWA 1445 H / 2024 M KANTHI HIKMAH IDUL ADHA KITA TINGKATAKEN SEMANGAT  PENGURBANAN LAN PEMBANGUNAN   اَلسَّلاَمُ عَلَيْكُمْ وَرَحْمَةُ اللهِ وَبَركَاَتُهُ الله أكبر الله أكبر الله أكبر الله أكبر الله أكبر الله أكبر الله أكبر الله أكبر الله أكبر اَللهُ أَكْبَرْ كَبِيْرًا وَالْحَمْدُ للهِ كَثِيْرًا وَسُبْحَانَ اللهِ بُكْرَةً وَأَصِيْلاً، لَاإِلهَ إِلاَّ اللهُ وَحْدَهُ، صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الْأَحْزَابَ وَحْدَهُ، لاَإِلهَ إِلاَّ اللهُ وَاللهُ أَكْبَرُ، اَللهُ أَكْبَرُ وَللهِ اْلحَمْدُ اَلْحَمْدُ لِلّهِ رَبِّ الْعَالَمِيْنَ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ اِلَيْهِ وَنَعُوْذُ بِاللهِ مِنْ شُرُوْرِ اَنْفُسِنَا وَسَيِّئَاتِ اَعْمَالِنَا مَنْ يَهْدِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. اَشْهَدُ اَنْ لاَ اِلهَ اِلاَّ اللهُ وَحْدَهُ لاَ شَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ وَالصَّلاَةُ وَالسَّلاَمُ عَلَى نَبِيِ...
Baca selengkapnya

KHUTBAH IDUL FITRI BAHASA JAWA 1445 H/2024M

-
  KHUTBAH IDUL FITRI   BAHASA JAWA 1445 H/2024M KANTHI HIKMAH IDUL FITRI KITA TINGKATAKEN IMAN LAN TAQWA KANGGE NUWUHAKEN AKHLAQUL KARIMAH LAN UKHUWAH ISLAMIYAH Dening : Anis Purwanto الله أكبر الله أكبر الله أكبر الله أكبر الله أكبر الله أكبر الله أكبر الله أكبر الله أكبر اَلْحَمْدُ لِلّهِ رَبِّ الْعَالَمِيْنَ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَتُوْبُ اِلَيْهِ وَنَعُوْذُ بِاللهِ مِنْ شُرُوْرِ اَنْفُسِنَا وَسَيِّئَاتِ اَعْمَالِنَا مَنْ يَهْدِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. اَشْهَدُ اَنْ لاَ اِلهَ اِلاَّ اللهُ وَحْدَهُ لاَ شَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ وَالصَّلاَةُ وَالسَّلاَمُ عَلَى نَبِيِّنَا مُحَمَّدٍ وَعَلَى ءَالِهِ وَاَصْحَابِهِ وَمَنْ تَبِعَهُ اِلَى يَوْمِ الدِّيْنِ. اَمَّا بَعْدُ: فَيَاعِبَادَ اللهِ : اُوْصِيْكُمْ وَنَفْسِي بِتَقْوَ اللهِ وَطَاعَتِهِ لَعَلَّكُمْ تُفْلِحُوْنَ. قَالَ اللهُ تَعَالَى فِى الْقُرْآنِ الْكَرِيْمِ: يَااَيُّهَا الَّذِيْنَ اَمَنُوا اتَّقُوا اللهَ حَقَّ تُقَ...
Baca selengkapnya

KHUTBAH JUM’AT MENYAMBUT TANGGAL 1 MUHARAM 1447 H : HIJRIYAH UNTUK KITA SEMUA

-
  KHUTBAH JUM’AT MENYAMBUT TANGGAL 1 MUHARAM 1447 H   HIJRIYAH UNTUK KITA SEMUA oleh : ANIS PURWANTO   إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَسْتَهْدِيْهِ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَهُوَ الْمُهْتَدُ وَمَنْ يُضْلِلْ فَلَنْ تَجِدَ لَهُ وَلِيًا مُرْشِدًا. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ. اَللَّهُمَّ صَلِّ وَسَلِّمْ وَبَارِكْ عَلَي حَبِيْبِنَا وَشَفِيْعِنَا وَمَوْلَنَا مُحَمَّدٍ وَعَلَى آلِهِ وَأصَحابهِ اْلأَخْيَارِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. قَالَ تَعَالَي عَزَّ مِنْ قَائِلٍ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. أَمَّا بَعْدُ . Ma’asyiral Muslimin jamaah Jum’ah rokhimakumullah. Segala puji atas limpahan karunia Allah yang tak pernah habis-habisnya ki...
Baca selengkapnya